Rekstur og uppbygging íslenskra flugvalla
Rekstur íslenskra flugvalla felur í sér margþætta starfsemi til að tryggja að flugbrautir, flughlöð, flugstöðvar og allur búnaður flugvallanna séu í fullkomnu lagi; öryggismál, innra eftirlit, hönnun og framkvæmdir á ýmsum sviðum auk flugleiðsögu eru stór hluti þeirrar starfsemi.

Alþjóðlegar kröfur
Undanfarin ár hafa alþjóðlegar kröfur til flugverndar- og viðbúnaðarmála á flugvöllum aukist umtalsvert. Aðgengiskröfur að flugvöllum hafa verið hertar til muna og miklar breytingar hafa verið gerðar á öryggis-, flugverndar-, slökkvi, björgunar-, og neyðarviðbúnaðarmálum íslenskra flugvalla.

Umsjón með öryggismálum er unnin innan flugverndar- og björgunardeildar og eru neyðarviðbúnaðarmál tryggð með viðeigandi þjálfun, ítarlegri samhæfingu og gerð áætlana á því sviði bæði hvað varðar flugvelli landsins og flug yfir landinu.

Flugstoðir starfrækir gæða- og öryggisstjórnunarkerfi og tryggir með því gæði og öryggi  flugvalla- og flugleiðsöguþjónustunnar.

Áætlunarflugvellir á Íslandi eru 14, flugvellirnir eru í fjórum umdæmum og er hvert umdæmi með umdæmisstjóra.

Stærsti flugvöllurinn sem Flugstoðir reka er Reykjavíkurflugvöllur.

Áætlunarflug frá Reykjavík er á 14 viðkomustaði á landsbyggðinni, og utanlands til Færeyja og Grænlands.  Ennfremur er leiguflug frá Reykjavíkurflugvelli. 

Flugvellir á Íslandi eru flokkaðir í sex flokka og fer flokkunin eftir ýmsum atriðum eins og aðflugstæki, ljósabúnað, snjóruðningsgetu, tækjbúnað, öryggismál og margt annað.  Þjónustutímar flugvalla á Íslandi er hægt að nálgast í flugmálahandbókinni.

Veður á flugvöllum.